شعر حب عراقي شعبي، كلمات مع صور

شعر غزل عراقي شعبي، ورسائل حب قصيرة، لقصائد حب عراقية

شعر حب عراقي، صور رومانسية عراقية

فنون الحب: رغم أن الشعب العراقي من أكثر الشعوب التي اضطهادا وظلما، إلا أن للحب مكانة لدى هذا الشعب العريق، فكان الشعر العراقي الرومانسي الذي يخرج من المعاناة من أجمل الأشعار التي قيلت في الحب والشوق، وكان للغزل العراقي جاذبيته الخاصة، لا سيما الشعر والخواطر القصيرة التي وصفت الحب بأجمل الأوصاف.

ولا يسعنا في موقع رومانس إلا أن نقدم لكم بعضا من تلك الأشعار والقصائد الغزلية العراقية لأهل الذوق الرفيع:

أسهرتنـي يا غـلا والنـّاس هـجّـاعِ
النّـوم عـنّـي جـلا يا زيــن الأطبـاعِ
الهم منّـك اعتلى والصدّ بك شاعِ
ما قلت لي وش بلا العهد منك ضاعِ
من بدّ كـلّ المـلا عـيني لك تراعي يا كـامـلٍ بالـحـلى
ما للـجـنا داعٍ ارجع ترى لك وله من بين الأضلاعِ
إن جـيت لي يا هــلا مانـي بـطمـاعِ.

***

بديت اشتاقلك يومية واحتار
واذا ما يوم اسمع صوتك احزن
جبت كلبي بيدي كربته للنار
وليش بنار حبك كلبي أمن
أخاف اعيوني من الشوك تنهار
وخايف لا يجيهن يوم يبجن
ويدمع اعيوني ينزل مو دمع نار
وكل دمعه شهر من توكع اصفن

****

ينشدوني عليك شلون وضعه

واكلهم مو طبيعي اهواي داراني
وتطردني من ادك بابك وأكل للناس
طار من الفرح لمن تلكاني .
اشطبتني من سجلك واني اكل للناس
شطبني من سجله للكلب وداني
…كالولي يكرهك كلت غلطانين
يكرهني بشقه وبصدك يهواني
كالوا شلع كلبك كلت يعني اصار
شكو بيه اذا محبوبي شاقاني

****

صور حب عراقية، الفتاة العراقية

اهيم بشوك وصلك وانثر الروح
وعلة اشفافك ثلج من تنزل اشفافي
واعض اشفاف حسنك واشتعل نار
وكطعهه بصدك ياكلمة الكافي
لمستك ت بيدي وذوبت الاشواك
الطريق اطويل اكعد تعبت اجتافي
واحس رجفة ابغرامك والكلب عطشان
اريد اشبع وحسن بيك متعافي
واريد بايدي اجتفك تنسجن بحساس
وعلة اوصافك اريد اطبعهه لاوصافي
وبادلني بغرامك خل اهيما بيك
بس اكعد حبيبي وانتة الك صافي

****

والله اني مفارق شعر الغزل
بس من شفتك وأنا ببحره غريق
كامل الأوصاف والحسن اكتمل
كملك ربي وخصك بالخليق
من كحل عينك عيوني تكتحل
وان تناظر بي يجي بعيني بريق
القمر وان شاهدك غاب وأفل
يستحي في محجر عيونك يويق
صورك ربي سبحانه وجل
تاج زين الكون بك وحدك يليق
القصايد كلها لك والجمل
تستحق الشعر دامك تستذيق
ياصلك شعري وأنا مابعد أصل
كل ما أقدم دروبك لي تضيق
ارتويت الشعر فيني للثمل
وصرت أهوجس في قصيدي وأستريق
ليتني يازين في عمر الجهل
وليت ربي ماجعلني لك عشيق
قبل أعرفك كنت مو هاوي غزل
ومن عرفتك شب في قلبي حريق

****

احبك مو لأن انت حلو…لا
لأن روحي التقت گبلي… ولك بيك
اذا إنت تمُّر عا الأعمى يصيح الله
والأخرس لـَّون حاچيتة يحاچيك
أذب گلبي إعلى سهمك وآنه مجروح
واگلك دير بالك اخاف أأذيك
إجرَّحني ولك بس كون عالكيف
لأن إنت ويَّـه دمي وخاف أبديـِّك
إجرحني ولـك بس كون ماموت
حتى مـِّن يتهموَّنك أبريّك
على المراية وگفـت ما شفت وجهي
وشفت وجهك طلعلي وگمت احاچيك
وثبت بمرايتي وجهـك مرايات
واباوع وجهها مرايتي بيك
بگذلتك شِّد رگبتي وطلع الروح
اريدنها بعد تتگرب إعليك
انت بحضني واگول بعيد
اريدن هيچ كون آنه انخبط بيك
بيا شارع مشيت گبالي الاگيك
افوت بغير شارع هم الاگيك
ارد للبيت گبلي الگاك بالباب
اطب گبلي تطب وتگلي اتانيك
بغيرك فكرت كلت آنه انساك
طلع غيرك يشبهك وفكرِّت بيك
طلع غيرك يشبهك وفكرِّت بيك

****

صور رومانسية عراقية، شعر عراقي

علامه بكل درب صرنالك شلون
تمر وتكــــــــــــــــــول ماشفت العلامه
يتامه وننتظر جيتك واذا جيت
يبين العيد بوجــــــــــــــــــــوه اليتامه

****

كبل جانت الدمعه بعيني بت بيت
حتى الرمش مايدري بيها
وهسه اعليك ضلت كاضه الباب
الرايح واليجي يعاين اعليها

****

ياباقه ورد اهديلك انت شلون
الورد منك خجل مايدخل السله
لان مثلك ورد متواجد بهل كون
اذا انت الورد في عالمك كله

****

حبيبي والله إني فيك مغـرم ونـفــسٍ مالهـا ذمّـة سقـيمــة
حبيبي كل شيء فيني ملكته ونار الحـب فـي جوفي ظريـمــة
إذا روحي لها في حبك ذنـوبِ هلا بذنـوبـها لو هي ظـليمــة
وإذا في حبـك إجرامٍ ارتكـبته فـأنا كـلّي فـخر بأعظـم جريمـة

****

لا يــا بــعــد كــلــي حــيــاتــي تســاويك
اقــطــع وريــدي وإن نـــبض حب ثـــاني
ثـــــلات فـيــنــي كــلــهــا تــرتـبــط فـــيك
أعشــقك.. أحبـــك.. والـهــوى صــار عنواني
وإن كــان مــا تـــدري أنــا أقــول وأطريــك
حـــبك مـلــكـنــي في ضـــميري ووجــداني

****

العيون العراقية الساحرة

احببتك بجنون من اول لقاء لنا
تصورت إن الحب اكبر من الزمن
واقوى من الايام
واقسى من الليالي
هذه قصة ادماني
جرعة عشق
وادمان حتى الموت
انسحبت روحي مني
وعاشت بين اضلاعك
احببتك فكنت كالفيضان الجارف
يجرفني التيار اليك
بقوة وبلا رحمة
احبك فأدمنت على حبك
اتألم وافرح في نفس الوقت
ياليتك كنت بحراً
لأرمي نفسي في اعماقك
فأغرق وأموت في احشائك
احبك رغماً عن انفي
احبك بكل حالاتي
لتجرديني من
قلبي وعيني ونبضي
وكل حواسي
لتتركين عظامي
عندها ستحدثك عظامي عن حبك
المغروس فيها
المنقوش عليها
“احبك بكل عنف”
:احبك الى حد الثورة”
“احبك الى حد الجنون”
احبك واعلم انك تحبيني كما احبك ياحبيبي
احبك فأخترت قلبك مسكني وقبري

****

بعد ما اوصي كلبي يعاتب الروح
شيفيد العتب وتريد احاجيك
ماشه نار حبك تلهب وياي
كافي انزف جرح وتريد اداويك
تحركني بغرامك واشتعل نار
وهسه تريد ترجع ما اخليك
ياريتك تجي وتشوف الجروح
تلكاهن خطيه يسولفن بيك
شسولفلك عليهن والله محتار
ياجرح التشوفه ابناره يجويك
احبك حب عراقي يحب الهموم
اصيل وشايل الدمعه ويسليك
حبيتك طفل عايش وياي
ياعشك الطفوله شلون أأذيك
سامرتك ليالي وكلبي مذبوح
مثل نجم السعد بحضاني الوليك
يدك ناي الحزن وي صفنه الليل
حد وجه الصبح موال اغنيك
واسولفك عليه وحالي خلصان
بس عندي المهم لازم اداريك
شوف اثار حبك بين العيون
بين شيب بيهن وانت مابيك
وبين بالكلب حبك نياشين
بعد شكثر بعد وتريد اراويك
بين كلشي بين منك وياي
سلاما على الجروح البيهه اباريك
جنت شمعة بحياتك تطرد الليل
هسه الشمعة ذابت بيش اضويك
اترس حضني الك بدموع العيون
واذا راحن عيوني اشلون ارويك
من ماي الكلب شربتك وياي
وافتحلك نهر من كلبي وسكيك
هسه الكلب مات او مو كلب صار
جثه ابنص جسم حاجيني شنطيك
لميتك دمع بعيون الايام
كلي شراح اكلهن لمن ابجيك
ألملم ذكرياتك حتى ارتاح
وشوف شباقي بيهن حتى ابديك
طبع ذيب الوكت لتأمنه الجروح
زمان الضحكك لازم يبجيك

واشغل نفسي گــُـوه وما أباوعلك

أحاول ما أشوفك وأنسه كل الفات

بلكي گليـبي يزهگ شوكك ويِــملك

اگول لنفسي باچر لازم انمــُــر بيك

واچذبني واصدك ..وأدري ما مرلك

صديقك مو حبيبك صعب هذا الدور

مثلته وغصب عالدمعه اضحكلك

وأسمحلك تدوس جروحي من تضوج

ومن تضحك بعد شتسوي اسمحلك

اشوف اهلك جنت والخاطرك كل يوم

ولأن گلبي يحبك صرت احب اهلك

ماينفع اسف والعمريمشي بساع

واني وياك تهنه وكلمن بمسلك

مجنون اني ما ارهم اعيش وياك

ومن جسمي ولك لو ردت اذبحلك

اشربك ماي عيني وتاكل من الروح

واذا حزنان اخلي جروحي ترگصلك

ماحسيت ابد بحساسي ماحسيت

رغم بيدي اجيب احساس واخذلك

وانته الدمعه ماتذرفهه لجل الناس

وماتعرف عدوك ذاك من خلك

ضل بهذا حالك واني هم ابعيد

واحسن خل اعوفك وانت احسنلك

****

صور حب عراقية، للشعر العراقي الغزلي

جنت متوقعك تنكر عشرتي ابساع
رغم هذا وصيه ابكلبي وصيتك
ودليتك عليه وزرعتلك طيب جا هذي جزاتي ابيوم دليتك
ستورحت الخيانه البيك من اسنين
وغظيت النظر والسبب حبيتك
على جروحي تخلي تركص الشمات
وجنت مجروح انت بكلبي ظميتك
انتة لمن جمالــك غـــارت النـــــاس
يلي محلي الورد ومعـطر الاغصـــان
حور العين غــــارت منـك وقيـــــــس
ما مخلوق انتة شلون مـــا جــــــا
نمثلك بــــل بشر ماشفنة فــد يــوم
اضــن انتة مــــلاك بـهيـئه انســان

****

اضحک بلچذب کدام هاي الناس
خاف الناس تدري بروحي مجروحه
انه مفارک محب وشکد صعب الفراک
والمفارک محب حتی الضحک نوحه
ونه عکس البشر مااسهر اني الليل
انام ونتظر وحلامي مفتوحه
وشوفک چاي وقفل حتى باب العين
وياعين التفگ من بعد روحه
اشم بيک النفس یل من زمان نسیت
شنو معنى النفس لوماچانت روحه
ايموت من البواچي الکلب من یشتاک
طفل وتموت امه اتسکته مرچوحه
اصبر الکلب بغيابک واکول اتهون
بس تغدرني صفنه بدمعه مفضوحه .

****

احن لگلبك الما حن واتلذذ بهجرك والوصل وياك
واذكرك وابتسم ونوب ارد احزن
حلات الذكرى من وياها دمعه طيح
شفتك تبتسم ركعه بصلاه الون
سلام الگلبك الماحن
وسلام لدمك البارد
يلماگتلي اجيك شمال افشل الروح
ليش اكشخ وانطرك جني متواعد

****

ادورك وين
مدري بيا وجه الگاگ
اصد للناس والگاهم يشبهونك
انه مضيعك نَفَس
واستاهد الشهگات
يواهس ريتي خافنهم يشمونك

****

اذا سرك تحفظه تحیّـر الناس
واذا ناسك تعرفه بوحدك تحیر
فرق بین الیسرك واليسر بیك
وحذار من الیگلك سرك أبـ بیر

****

انا اشتاگيت يالماخذ الروح
ولا ادري بغيابك راح اهم بيك
شسولفلك عليه شلون مشتاگ
خل اسكت حبيبي خاف ابچيك
وحق حبك ياغالي ضايج هوااي
وماارتاح والله الا من احاجيك

المرأة العراقية، صور حب عراقية

****

كلها ضلت بيه تجرح
واني ساكت جي فقير
الناس تحكمها المصالح
واني يحكمني الضمير
على الطيبه معلم اني
وطبعي ثابت ما يميل
غيري يجرح
عادي كلش
اني اجرح ؟
مستحيل !

****

شحيت عني بشوفتك
وديلي لو بس صورتك
بس صورتك هم كافيه
مشتاكلك ماحصلك
جن شايب وحنيت الك
لمن يحن للعافيه

حكاية الحب العراقي لا تنتهي، ولكن المقام لا يسمح بنشر المزيد من تلك الأشعار، والقصائد، والرسائل، الرومانسية، الشعرية، نتمنى أن تكون قد حازت على اعجابكم وكنتم معها سعداء.

شارك هذا المنشور